Një aksident i rëndë ka ndodhur në orët e para të mëngjesit të sotëm në aksin rrugor Lezhë-Milot, ku një furgon mallrash ka plagosur rëndë një këmbësor.
I plagosuri me iniciale N.P., rreth të 60-ve është dërguar menjëherë në spitalin e Traumës në Tiranë. Drejtuesi i automjetit me iniciale M.F është shoqëruar në polici për të dhënë detaje të mëtëjshme për ngjarjen.
”Sot, rreth orës 08:50, në aksin rrugor Milot-Lezhë, mjeti me drejtues shtetasin M.F.,ka aksidentuar këmbësorin shtetasin N.P., i cili ka marrë dëmtime dhe ndodhët nën kujdesin mjekësor në spitalin e Traumës, Tiranë”, njofton policia.
Grupi hetimor ndodhet në vendngjarje dhe po heton për zbardhjen e aksidentit.
