Kevin Spacey flet për herë të parë publikisht për akuzat për ngacmime seksuale, që i shkatërruan karrierën dhjetëra vjeçare në hollivud.
Në një video 7 minutshe, aktori 60 vjeç rrëfen periudhën e errët dhe të tmerrshme që kaloi dhe udhëtimin e dhimbshëm që prej vitit 2017, kur disa meshkuj me të cilët kishte bashkëpunuar ndër vite, e akuzuan për ngacmime dhe dhunë seksuale. Nga ajo kohë, atij iu hoq roli në serialin “House of cards”, u zëvëndësua në një film i cili i kishte përfunduar xhirimet dhe nga ajo kohë, nuk performoi kurrë më, duke e mbyllur jetën në Hollivud.
Në SHBA, akuzat ndaj tij u rrëzuan për mungesë provash. Por policia dhe prokuroria në Londër vijojnë hetimet për akuzat ndaj tij, për periudhën kur Spacey luante në teatrin “Old Vic”. Edhe ato akuza, Kevin Spacey i mohon kategorikisht./Burimi: The Sun
