Ndërsa shifrat e viktimave dhe të prekurve nga Covid-19 janë duke rënë, UEFA ka bërë gati planin dhe datat e mbetura për ndeshjet e Champions League.
Fillimisht janë në pritje të mbylljes së kampionateve kombëtare dhe më pas rreth datës 8 gusht është koha e Champions.
Për ekipet që garojnë në këtë kompeticion, kalendari do të jetë shumë i ngjeshur, pasi mes datave 11 dhe 15 gusht parashikohen të zhvillohen çerekfinalet.
Çdo javë deri në finalen e madhe që pritet të zhvillohet në 29 gusht, kur do të mbyllet edhe edicioni i Kupave të Europës do të jetë e tillë. Ndërsa takimet do të jenë teke dhe me eliminim direkt, pasi vetëm në këtë mënyrë, UEFA mund të përgatisë normalisht sezonin e ardhshëm.
Qeveria europiane e futbollit ka njoftuar se ka nisur procedurat për rimbursimin e biletave të Euro 2020, që u shty për në verën e vitit të ardhshëm./Fjala.al/
