Një 63-vjeçare e prekur me Covid-19 ka ndërruar jetë ditën e sotme në Klinikën Infektive të Kosovës.
Infektologu Valbon Krasniqi ka deklaruar për RTV Dukagjinin se viktima ishte shtruar shtruar në Klinikën Infektive me 26 prill bashkë me bashkëshortin e saj i cili po ashtu kishte rezultuar pozitiv.
“Ky person për fat të mirë është shëruar dhe sot është liruar për në shtëpi, por fatkeqësisht bashkëshortja e tij nuk arriti të mbijetojë”, tha ai.
Pacientja që ndërroi sot jetë ishte infektuar në Repartin e Hemodializës në Spitalin e Prizrenit. Krasniqi njofton se në Klinikën Infektive janë shtruar për trajtim edhe 12 pacientë.
Në Kosovë, deri tani rezultojnë 860 persona të infektuar dhe 27 viktima.
