Gjykata Penale e Tiranës ka vendosur 46 vite e 4 muaj burg në total në gjykimin e shkurtuar të 24 të pandehurve që akuzohen për veprat penale “moskallëzim krimi”, “krijimin e skemave mashtruese lidhur me TVSH”, “fshehje e të ardhurave” dhe “mospagim i taksave dhe tatimeve”.
Gjyqtari Erjon Bani ka dhënë këtë vendim, ndërsa Prokuroria e Tiranës në këtë gjyq është përfaqësuar nga prokurorja Danjela Sulaj.
Skema e 20 bizneseve të këtyre personave ishte bashkëpunimi përmes faturave fiktive në një shumë totale prej 34 milionë eurosh, me qëllim uljen e pagesave mujore të TVSH-së si dhe rritjen fiktive të shpenzimeve, në mënyrë që të paguanin më pak tatim fitim.
Kjo skemë mashtrimi, e cila i ka shkaktuar buxhetit një dëm prej rreth 18 milionë euro, u zbulua nga Drejtoria e Hetimit Tatimor.
Ndërsa në materialet e prezantuara nga prokuroria thuhet se nga analizimi dhe studimi i të dhënave shoqëritë objektit të hetimi kanë funksionuar si satelit ndërmjetës, duke u përdorur nga shoqëri ri-importuese që operojnë në fushën e artikujve ushqimore për të shkarkuar vlerën totale rreth 34 milionë euro, e cila më pas nga këto subjekte është bërë e mundur që kjo vlerë të injektohet në mënyrë direkte në shoqëri tregtare që operojnë në fushën e ndërtimit.
Më tej thekson se këto të fundit me kontabilizimin e kësaj vlere kanë ulur pagesën e TVSH mujore, si dhe duke rritur fiktivisht shpenzimet vjetore duke ulur në këtë mënyrë normën e Tatim fitimit.
Avokati Enea Cenko thotë se pjesa më e madhe e personave që tashmë janë dënuar me burg nuk kanë pasur asnjë dijeni për skemën e mashtrimit, por kanë qenë punonjës të thjesht, me paga shumë të ulëta.
Dënimet e secilit prej tyre:
Adrian Zeqo – 1 vit e 4 muaj burg
Aleksandër Gusho – 1 vit burg
Asim Çaçi – 8 muaj burg
Bledar Metko – 8 muaj burg
Bruno Osmani – 1 vut burg
Diana Ramizi – 1 vit burg
Drita Frangaj – 1 vit e 8 muaj burg
Emiljano Frroku – 1 vit e 8 muaj burg
Erisa Islam – 1 vit burg
Gentjan Dedja – 1 vit burg
Gerdi Laho – 8 muaj burg
Kristi Rrënja – 1 vit burg
Lirim Jella – 1 vit e katër muaj burg
Kudret Memaga – 1 vit burg
Lumturije Murati – 1 vit e 8 muaj burg
Myfaret Ballushi – 1 vit burg
Rigerta Bakijasi – 8 muaj burg
Santiljano Çifligu – 1 vit burg
Xhon Lama – 1 vit e 8 muaj burg
Dashamir Ymeraj – 6 vite e 8 muaj burg
Enver Sheshi – 6 vite burg
Valter File – 4 vite burg
Nefail Jaho – 4 vite burg
Robert Shabani – 4 vite e 8 muaj burg
Avokatët shprehen se do të apelohet vendimi.
