Gazetari britanik Alastair Campbell ka ‘shpërthyer’ kundër kryeministrit Boris Johnson, ku shprehet se ai nuk e ka marrë seriozisht pandeminë e koronavirusit që nga fillimi i shfaqjes së saj. Campbell, i bëri kritikat gjatë shfaqjes së Jeremy Vine të BBC-së, ku hodhi akuza ndaj kryeministrit për mos marrje të masave ndaj pandemisë.
Ish-sekretari i shtypit i Downing Street, zbuloi gjithashtu se ai kishte marrë një mesazh nga kryeministri i Shqipërisë, Edi Rama, mbi qasjen e qeverisë së Britanisë për krizën e Covid-19.
Gazetari bëri publik mesazhin e dërguar nga Rama: “Unë kam biseduar më një mikun tim, Kryeministrin e Shqipërisë, i cili më ka dërguar mesazhin “Çfarë dreqin po ndodh? A e ka idenë ai se çfarë po bën?”
Më tej, Campbell ka thënë se: “Mendoj se është e ashpër mënyra se si po vepron qeveria britanike. Shkenca dhe shkencëtarët janë aty për të informuar, jo për të udhëzuar.
Vendimet duhet të merren, shpjegohen e të mbrohen nga ministrat. Ai do thjesht të shpëtojë lëkurën e tij, e nuk e ka marrë aspak seriozisht pandeminë e Covid-19”.
Deri më tani, Britani ka rreth 29 mijë të vdekur nga Covid-19.
