Super hëna finale e këtij viti, që përfundon edhe raundin e tretë të superhënës këtë pranverë që nisi në mars, do të shfaqet e plotë sot. Hëna e plotë dhe e shndërritshme është shfaqur nga mëngjesi i sotëm dhe do të pikaset lehtësisht deri më 8 maj. Kjo është super hëna më e madhe dhe më e shndërritshme e vitit dhe më spektakolare. Super hëna ndodh kur hëna afrohet deri në 90% me orbitën e tokës.
Kjo do të thotë që në mbrëmje do të shihni një herë më të madhe dhe që ndriçon më shumë në qiell, nqs nuk ka re dhe moti do ta lejojë që ajo të shfaqet e plotë. Hëna do të mund të shihet përqark globit edhe me sy të lirë. Fillimisht ajo do të shfaqet mbi Romë në orën 18.30 dhe më pas ngadalë shfaqet mbi pjesën tjetër të Europës.
Super hëna e majit njihet ndryshe edhe si hëna lule, njësoj siç lulet çelin në maj. Normalisht përgjatë të gjithë vitit shfaqen 12 super hëna, një për çdo muaj. Por në 2020-tën, tetori do të ketë dy superhëna, një më 1 tetor dhe një tjetër më 31 tetor. Kur dy super hëna shfaqen në të njëjtin muaj, ato njihen si “hënat blu”. /Fjala.al/
