Një person ka rënë në prangat e policisë së Kurbinit, pasi ushtronte dhunë fizike dhe psikologjike ndaj bashkëshortes dhe vajzës së tij.
Pas marrjes së njoftimit, policia ka shkuar në banesën e shtetasi me iniciale Xh.J banues në fshatin Shulllaz të Kurbinit, për parandalimin e dhunës, duke e vënë në pranga.
Gjatë kontrollit në banesë, uniformat blu, kanë sekuestruar 1 armë zjarri automatik me 3 krehra dhe municion luftarak (1080 fishekë).
Njoftimi i policisë:
Policia e Kurbinit ka parandaluar një ngjarje të rëndë kriminale në familje. Specialistët e Seksionit për Hetimin e Krimit në Komisariatin e Policisë Kurbin arrestuan në flagrancë shtetasin Xh. J., banues në fshatin Shullaz, Kurbin.
Ky shtetas ka ushtruar dhunë fizike dhe psikologjike ndaj bashkëshortes dhe vajzës së tij, në banesë. Policia, me marrjen e njoftimit, ka ndërhyrë menjëherë duke parandaluar përshkallëzimin e mëtejshëm të dhunës dhe ka vënë në pranga autorin.
Gjatë kontrollit të ushtuar në banesën e shtetasit Xh. J., Policia gjeti dhe sekuestroi 1 armë zjarri automatik me 3 krehra dhe municion luftarak (1080 fishekë).
Materialet i kaluan Prokurorisë së Rrethit Gjyqësor Kurbin, në ngarkim të shtetasit Xh. J., për veprat penale “Dhuna në familje” dhe “Armëmbajtja pa leje”
