Etjon Lazri, i riu që u përfshi në një aksident në zonën e Porcelanit, në Tiranë, ku humbën jetën dy persona, është liruar nga burgu. Vendimi është marrë në fund të muajit prill 2020 nga gjykata e Apelit Tiranë, e cila urdhëroi që Lazri, të lirohet nga burgu ku mbahej i izoluar për aksidentimin me vdekje të dy personave, Erion Balla 36-vjeç dhe një grua 72-vjeç Hidajete Salliu.
Momentalisht Lazri ndodhet në masën e sigurisë “arrest shtëpie”. Lirimi i Lazrit vjen në një kohë kur prokuroria e Tiranës, ka vendosur të marrë të pandehur Lazrin dhe çështja kundër tij, ndodhet në gjykatën e Tiranës, në pritje për tu futur në gjykim.
Shkak i këtij aksidenti me pasojë dy viktima të ndodhur në zonën e Porcelanit, është shpejtësia tej normave të lejuara e mjetit që drejtonte Etjon Lazri dhe një parakalim i gabuar, i njërës prej makinave që ndodhej në rrugë./Fjala.al
