Një ngjarje e rëndë ka ndodhur në qytetin e Elbasanit, ku raportohet se një i sëmurë mendor i ka vënë flakën shtëpisë së tij.
Ngjarja raportohet të ketë ndodhur mëngjesin e sotëm në lagjen “Spaikorre” të Elbasanit, ndërsa bëhet me dije se flakët dhe tymi i dendur që kishin pushtuar apartamentin ishin përhapur edhe jashtë tij dhe fqinjët e alarmuar kanë njoftuar policinë dhe shërbimin zjarrfikës.
Ata kanë mbërritur pas pak minutash në vendin e ngjarjes dhe kanë arritur të shuajnë flakët.
Ndërkohë paraprakisht është zbuluar se zjarri është shkaktuar qëllimisht nga personi që jetonte në këtë apartament i identifikuar si shtetasi me inicialet B.H., i cili ka probleme të rënda të shëndetit mendor dhe trajtohet me medikamente si i tillë prej vitesh.
Për fat të mirë personi në fjalë ka pësuar vetëm disa dëmtime të vogla nga flakët e zjarrit të shkaktuar nga ai vetë, ndërsa orenditë e apartamentit si pasojë e zjarrit janë shkrumbuar ./Fjala.al/
