Spanja dhe Italia janë dy nga vendet më të prekura nga coronavirus e duket se pashmangshmërisht dhe ekipet e futbollit, nuk po dalin dot nga “rrethi vicioz” që i ka futur pandemia. kur diskutohet më shumë se kurrë rinisja e futbollit, në La Liga dhe Serie A shpërthejnë rastet e reja.
Plot 5 futbollistë nga LA Liga kanë rezultuar pozitiv në testet e bëra për coronavirus. RAC1 raporton se rezultatet e raundit të parë në kategorinë elitare të futbollit spanjoll kanë prodhuar pesë tamponë që tregojnë shenjat e Covid-19. Testet janë kryer për të gjithë futbollistët, trajnerët dhe punonjësit sportivë nga të gjitha skuadrat. LA Liga është duke pritur të gjitha rezultatet para se të marrë një vendim final për fatin e ligës. Barcelona ka dorëzuar të gjitha testet e bëra të cilat kanë rezultuar të jenë negative. Për këtë, skuadra katalanase do të rikthehet në stërvitje pas dy muajsh.
Më keq akoma situata në Serie A. Fiorentina raportoi 6 raste të reja me coronavirus, nga të cilët 3 janë futbollistë. këtyre iu shtuan edhe rastet e reja te skuadra e Sampdorias, 4 tamponë pozitivë. Klubi nga Liguria nënvizon se 3 persona e kanë për herë të parë coronavirus, ndërsa tjetri është rast i përsëritur.
Me situatën aktuale, vendoset gjithmonë e më tepër në pikëpyetje rinisja e kampionateve në këto dy vende….
