Futbollisti shqiptar i Veronas, Marash Kumbulla,duket se është duke u kërkuar nga skuadra të tjera të mëdha evropiane, duke mos u ndikuar aspak nga kriza ekonomike ku ndodhen klubet për shkak të COVID-19.
Qendërmbrojtësi ka kaluar një sezon të shkëlqyer dhe kjo ka bërë që ai të jetë njëri nga lojtarët më të kërkuar momentalisht.
Përveçc Interit, Napolit, Fiorentinas, Lazios në Itali, Everton, Tottenham Hotspur dhe Manchester United në Angli interesim për shqiptarin kanë treguar edhe tri skuadrat e mëdha gjermane, Borussia Dortmund, Schalke 04 dhe Eintracht Frankfurt.
Ndërsa së fundmi në garë është futur edhe gjiganti francez Olympique Lyon.
Lajmi është konfirmuar nga e përditshmja franceze L’Equipe që ka raportuar se Lyon po dëshiron të nënshkruajë sa më parë me Kumbullën.
Tekniku Rudi Garcia e pëlqen shumë mbrojtësin shqiptar dhe Lyon është gati të paguajë deri në 25 milionë euro për të.
Ndërsa Hellas Verona, nga ana tjetër ua ka bërë të qartë klubeve se do të kërkojë që të fitojë sa më shumë nga shitja e Kumbullës, derisa besohet se transferimi i tij mund të kalojë shifrën e 30 milionë eurove./Fjala.al/
