Policisë së Tiranës i ka dalë situata jashtë kontrollit gjatë protestës që po zhvillohej në sheshin “Skënderbej”. Policia është përpjekur të shpërndajë protestën që po zhvillohej në qendër të Tiranës kundër masave të izolimit, por ka hasur në rezistencën e qytetarëve.
Efektivët kanë kërkuar të shoqërojnë edhe një grua, por ajo është shtrirë në tokë. Përdorimi i forcës nga policia ka shkaktuar panik edhe te qytetarët e tjerë të shumtë që kishin dalë për shëtitje në sheshin ‘Skënderbej’.
Shumë qytetarë kanë kërkuar nga efektivët që mos të preknin gruan me dorë, e cila pas disa minutash rezistencë është futur me forcë në një autoambulancë.
Mësohet se në komisariat janë shoqëruar edhe disa aktivistë.
