Këtë javë ka pasur një rikthim në stërvitje, ende individuale, të skuadrave të La Ligës, pasi iu nënshtruan testeve për koronavirus, të cilët tashmë kanë zbuluar tre lojtarë pozitivë.
I fundit ishte Yangel Herrera, një lojtar nga Granada që rezultoi negativ për testin PCR, por jo edhe për diagnozën aerologjike.
Futbollisti Venezuelas bashkohet me e Renan Lodi, të Atletico Madrid, dhe Alex Remiro, portier i Real Sociedad në rezultatin e testit ndaj Covid-19. Klubet, megjithatë, nuk e kanë konfirmuar ende që lojtarët e tyre kanë rezultuar pozitiv, pasi ata do të shkelnin ligjin për mbrojtjen e të dhënave.
Pas informacionit të marrë nga La Vanguardia, Herrera ishte asimptomatik dhe do të mbetet i izoluar në shtëpinë e tij, jashtë grupit, derisa të kalojë përsëri testet brenda disa ditësh, ku do të vërtetohet se e ka kaluar virusin e rrezikshëm. Granada ka filluar stërvitjet individuale këtë të shtunë me mungesën e vetëm të mesfushorit.
Ditët e fundit, skuadrat e La Ligës kanë rifilluar stërvitjen në baza individuale, e cila është faza e parë e një procesi që do të kulmojë, nëse përmbushen afatet, me kthimin e kampionatit në mes të qershorit. Hapi tjetër do të jetë stërvitja në grupe të vogla dhe në fazën e fundit para ndeshjeve, do të jetë trajnimi në grup./Fjala.al/
