Kryeministri britanik Boris Johnson vendosi të lejojë zhvillimin e ndeshjeve të futbollit duke nisur nga data 1 e muajit tjetër, një veprim që entuziaqzmon tifozët në m,barë globin e në veçanti ata ishullorë, edhe pse do luhet pa tifozë. Kreu i ekzekutivit në një diskutim në Parlament tha se do lejohen eventet sportive e kulturore në modalitete pa publik, duke evituar infektimin në shkallë masive.
Protokolli i stiluar nga qeveria britanike prej 50 faqesh, përfshin disa aktivitete sportive, por sporte popullore në ishull, si rugby dhe kriketi, do të duhet të presin korrikun për tu vendosur në lëvizje. Kështu Johnson ndez “semaforin” jeshil duke kaluar topin në fushën e Premier League. po mendohet fundjava e 12 qershorit për sfidat pas pandemisë me fusha neutrale dhe pa publik, vec normave ekstra të sigurisë.
Problemi më i madh mes klubeve është zhvillimi i ndeshjeve në fushë neutrale. të mëdhenjtë janë pro, por të vegjëlit që rrezikojnë rënien janë kundër, mes tyre Brighton, Aston Villa e Ëatford. por në votimet për të vendosur një normë të re në Premier League, duhen 14 vota. Kjo mesa duket është në favor të rrymës kryesore.
