Partia për Drejtësi Integrim dhe Unitet ka kërkuar që të hapen sa më parë xhamitë dhe kishat në vend, duke respektuar rregullat dhe protokollet e ekspertëve të epidemiologjisë për të shmangur infektimet e mundshme me koronavirus.
Në një deklaratë për mediat PDIU i ka bërë thirrje qeverisë që të bëjë të mundur hapjen e institucioneve të kultit në vend dhe të ndjekë shembullin e vendeve evropiane.
Deklarata e PDIU:
I bëjmë thirrje sektit të “Rilindjes” të hapë institucionet e kultit dhe të shkëputet nga trashëgimia e paraardhësve të tyre, që prishën Kisha e Xhamia në vitin e mbrapshtë 1967.
PDIU i bën thirrje Regjimit të FB (facebook) të hapen urgjentisht Institucionet e Kultit dhe të bëhen protokollet e hapjes së tyre në bashkëpunim me ekspertët e epidemiologjisë.
Shumë vende evropiane dhe vende fqinje janë shumë pranë hapjeve me protokoll të objekteve të Kultit.
Tek ne ajo që ndodh është paradoksale, fitohet vetëm kohë pa asnjë zgjidhje. Shqiptarët duhet që edhe për tek Zoti I Universit, t’i drejtojnë sytë nga zoti që quan veten zot,faraon.
Të fitosh kredo politike mbi ndjenjat e besimtarëve, duke ua mohuar besimin, për t’ua shitur më pas të drejtën e besimit të garantuar me kushtetutë, si një arritje e qeverisë, tregon se propaganda e këtij njeriu nuk ka kufij.
Është e pa pranueshme që po hapen parukeritë, Qendrat Tregtare, baret, restorantet dhe futbolli, e jo shtëpitë e Zotit!
PDIU i bën thirrje sektit të “Rilindjes” të hapë institucionet e kultit dhe të shkëputet nga trashëgimia e paraardhësve të tyre, që prishën Kisha e Xhamia në vitin e mbrapshtë 1967.
Për këtë arsye Shqipëria u kthye në vendin e vetëm ateist në botë, që zëvendësoj Zotin me regjimin një partie dhe Enver Hoxhën, pasoja që po i vuajmë akoma edhe sot.
E drejta e ushtrimit të besimit dhe institucionet e Kultit janë më të rëndësishme se parukeritë, qendrat tregtare, baret apo restorantet.
