Numri i azilkërkuesve në Irlandë gjatë dy muajve të parë të vitit ka rënë me 27%. Autoritetet vendase theksojnë se rënia ka ardhur si rezultat i kërkesave të ulta që vijnë nga shqiptarët dhe gjeorgjianët.
Këto dy grupe kishin vjet numrin më të lartë të kërkesave për azil, por për shkak edhe të koronavirusit, këtë vit situata ka ndryshuar.
Ulja me 27% është më e madhja për Irlandën që prej vitit 2015-të, ndërkohë që shqiptarët ishin kthyer në problem për autoritetet vendase për shkak se përdornin dokumenta false për të hyrë në shtetin e BE-së. Irlanda përdoret nga shqiptarët si vend transit për të kaluar në territorin e Britanisë së Madhe.
