Tom Cruise është i vendosur: pasi iu desh të shtynte për një kohë të papërcaktuar xhirimet e “Mission Impossible 7” për shkak të situatës nga koronavirusi në Itali, tashmë ka marrë një vendim: do të rikthehet atje.
Legjenda e Hollivudit pritet të udhëtojë sapo të rinisin udhëtimet drejt Venecias, menjëherë sapo qeveria italiane të lejojë fluturimet.
Xhirimet ishin vendosur të nisnin në fund të muajit shkurt por në atë kohë, Italia nisi të përballet me pandeminë koronavirus, që deri më sot i ka marrë jetën më shumë se 30 mijë italianëve.
Një burim pranë aktorit tha: “Tom ka refuzuar çdo destinacion tjetër për të xhiruar filmin dhe dëshiron që miliona dollar të planifikuar si shpenzime për prodhimit e filmit, ti shpenzojë në vendin që është goditur më keq në Evropë nga pandemia, për ta ndihmuar sadopak në rimëkëmbje”.
Rihapja e parqeve, fabrikave e godina ja ka lehtësuar punën aktorit, i cili për pak ditë pritet të niset drejt Italisë. Kur pandemia shpërtheu në Itali, në fund të shkurtit, aktori ndodhej atje, për të zgjedhur vendet ku do të xhiroheshin disa nga skenat e filmit.
Pas rasteve të para zyrtare në Itali, ai u zhvendos me një avion privat drejt Britanisë së Madhe. Mes stafit të “Mission Impossible” dhe qeverisë italiane ka pasur disa mbledhje e kontakte dhe sipas tyre ideja për të xhiruar atje është ende me risk, pasi stafet e xhirimet bëjnë bashkë shumë njerëz, dhe kjo në Itali është ende e palejuar./l.m
Burimi: The Sun, Përshtati: Fjala.al
