Policia e Shtetit është pajisur me një flotë të re të automjeteve, të cilët do të shërbejnë për operacione standarde, si dhe për operacione më të specializuara.
Prezantimi u bë sot nga zyrtarët e lartë të vendit, ndërkohë që flota e makinave të reja ka kushtuar 8.1 milionë euro, nga të cilat 4.8 milion financohen nga BE dhe 3.3 milion Euro nga Qeveria Shqiptare.
Sipas ministrit të Brendshëm, Sandër Lleshaj, me këtë nismë plotësohen nevojat me mjete për strukturat operacionale, me qëllim ruajtjen e rendit e sigurisë publike, si dhe arritjen e rezultateve sa më te larta kundër veprimtarive kriminale dhe ilegale te kultivimit e trafikimit të bimëve narkotike.
Flotës së Policisë së Shtetit iu shtuan 196 automjete, nëpërmjet furnizimit me mjete me kalueshmëri të lartë dhe fugon.
