Angela Merkel iu dorëzua presionit të klubeve të futbollit gjerman duke lejuar para pak ditësh edhe startin e Bundesligës së parë dhe të dytë, por pasi u shua entuziazmi i një sezoni gjithsesi të cënuar rëndë në “Fair Play”, në financa dhe merita në fushë, tani nisin llogaritë.
Të ashtuquajturat `ndeshjet fantazmë’ do t’i bëjnë skuadrat gjermane që të përballen me humbje të mëdha ekonomike. Skuadrat e Bundesliga dhe Bundesliga 2 janë të vendosura që të përfundojnë sezonin e futbollit, me ndeshjet që do të luhen me dyer të mbyllura. Plot 82 ndeshje të Bundesliga dhe 81 ndeshje të Bundesliga 2 do të jenë ‘ghost matches’ – ndeshje që luhen pa tifozë.
Sipas llogarive që bën revista “Kicker”, formacionet elitare do të jenë ato që do mbajnë barrën më të madhe të faturës negative, thuajse 70 milionë Euro. Skuadrat e Bundesliga 2 do të kenë humbje deri në 22 milionë Euro, por në asnjë nga rastet nuk fute impakti në marketing, imazhi global dhe shitjet në dyqanet e autorizuara jashtë Gjermanisë.
42.738 skektatorë për ndeshje ishin mesatarisht prezentë në Bundesligën e Parë, kurse 18.980 në Bundesligën e dytë. Diskutimi mbetet vetëm për biletat e munguara që do të merreshin nga klubet.
