Arrestohen dy të rinj në qytetin e Kuçovës pasi merreshin me kultivimin e bimëve narkotike.
Policia njofton se shtetasit e arrestuar janë Gerald Gjika, 30-vjeç dhe Gentian Bilishi, 37-vjeç. Bëhet me dije se efektivët janë njoftuar më parë se dy të rinjtë kultivonin bimë narkotike. Në momentin e arrestimit në banesën e cila ishte në pronësi të dajës së Geraldit, shtetasit Agron Demaj, që jeton në Greqi, janë gjetur 100 kubikë me kanabis.
Fakti që banesa e Demaj ishte bosh dhe për të kujdesej nipi ka favorizuar të rinjtë për ta përdorur banesën për kultivim të bimëve narkotike.
