Drejtoria e Përgjithshme Detare dhe Autoriteti Portual Durrës i ka cilësuar si të pavërteta lajmet që bënë me dije se do të rinisë udhëtimi me tragete drejt Italisë.
APD tha se këto lajme që janë raportuar në mënyrë të njëanshme nga Kompania e trageteve “Ventouris Ferries” lidhur me rikthimin e trafikut të pasagjerëve me Italinë, NUK ËSHTË I VËRTETË!
Në reagimin e APD-së thuhet se transporti detar për pasagjerët nga dhe drejt Italisë mbetet ende i pezulluar deri në një urdhër të dytë të Autoriteteve shqiptare dhe italiane!
“I kërkojmë kompanive private që operojnë në hapësirën portuale, sikundër dhe mediave, të mos shpërndajnë njoftime të paverifikuara në rrugë zyrtare, sidomos në situatën në të cilën ndodhemi! Duke kërkuar mirëkuptimin e qytetarëve për këtë situatë.”-thuhet në këtë reagim./Fjala.al/
