Kreu i Grupit Parlamentar të Partisë Socialiste Taulant Balla është përplasur me një gazetare të terrenit gjatë aktivitetit në Ditën Ndërkombëtare të Infermierëve.
Teksa ndodheshin në spitalin “Shefqet Ndroqi” gazetarja ka pyetur Ballën dhe deputeten Klodiana Spahiu se pse disa mjekë në rrethe, të infektuar po ashtu me koronavirus nuk përfitojnë pagën e premtuar nga qeveria njësoj si kolegët e tyre në kryeqytet.
Nga ana e tij, Balla e shpërfilli pyetjen e gazetares, duke i kërkuar fillimisht t’i largohet dhe se televizioni ku ajo punon përfaqëson ka probleme me deklarimin e pasurive.
Balla: Ju lutem, ruani distancën
Gazetarja: E kam kaluar covid-in që në janar, a mund t’i përgjigjeni pyetjes?
Balla: Televizioni juaj ka probleme me deklarimin e pasurisë së pronarëve.
Balla u pyet sërish nga gazetarja, por ai iu përgjigj thjeshtë: Të fala Çimit.
