Me fotot e vitit 2018, përhapi zëra se i ishte nënshtruar një transplanti për mbjellje flokësh. Por pamja e jashtëzakonshme e biondit bukurosh, duket se ka ndryshuar ndjeshëm, siç duket edhe në fotot e realizuara nga paparacët këtë fundjavë që lamë pas.
David Beckham shfaqet krejt ndryshe në këto foto, me flokë më shumë se të përgjysmuara, madje të rëna ndjeshëm. Kohët e fundit 45 vjeçari është shfaqur në publik vetëm me kapele dhe askush nuk ka menduar për ndonjë problem me flokët, shkruan Daily Mail.
Tabloidet kanë krahasuar fotot e 2 ditëve më parë me ato të së njëjtës periudhë të vitit 2019, ku David shfaqet me kokë të mbushur me flokë dhe me modele interesante.
Duket se thashethemet e tetorit të 2018-ës rikthehen në qendër të vëmendjes me Beckham që ndoshta do ti nënshtrohet një tjetër transplanti, për të ruajtur pamjen rinore. Menaxheri i ish futbollistit nuk pranoi të bëjë komente.
