Kitara që Kurt Cobain luajti gjatë performancës së tij në “MTV Unplugged” në vitin 1993 pritet të shitet në një ankand që organizohet nga shtëpia e ankandeve Julien në muajin qershor, me një çmim fillestar prej 1 milionë dollarësh.
Kitara e rrallë, D-18E është e para ndër të tjera sende të grupit të famshëm Nirvana, që do të dalë në shitje e që ishte personale e Kobain, që u vetëvra në vitin 1994, pas 5 muaj pas shfaqjes në Nju Jork.
“Kjo kitare e rëndësishme ka luajtur një rol të jashtëzakonshme në historië e Rock’N’Rollit pasi është luajtur nga disa prej muzikantëve më të famshëm dhe ikona të muzikës rrok. Kjo Kitarë ka dhuruar spektakël në çdo performancë live” tha Darren Julien, president i shtëpisë së ankandeve Julien.
Kitara zotërohej më herët nga vajza e Kobain, Frances Bean Cobain, të cilën vetë i ati ia dhuroi kur ishte ende gjallë, fill pas divorcit nga nëna e saj. Ajo renditet ndër kitaret më të mira në botë, prodhuar në vitin 1833.
Kobain fitoi statusin e këngëtar legjendar si udhëheqës i grupit Nirvana, banda muzikore që vetë ai e krijoi në vitin 1987 me mikun e tij Krist Novoselic. Popullariteti i grupit arriti majat me albumin e vitit 1991 “Nevermaind”, që arriti rekordin duke u shitur në mbi 1 milion kopje në SHBA brenda një viti. Në 1992, ai arriti të qëndrojnë për 472 javë në krye të Billboard 200. /Fjala.al/
