Mbrëmja gala e ndarjes së çmimeve Oskar mund të shtyhet përtej muajit shkurt 2021, për shkak të vonesës së premierës së filmave, që do të jenë pjesë e garës për prodhimet më të mira kinematografike të vitit.
Kjo është hera e parë që një gjë e tillë ndodh në 93 vite histori. Organizatorët janë në diskutime për ta shtyrë natën më të rëndësishme të Hollivudit me së paku 4 muaj, deri në qershorin e vitit 2021 dhe jo ceremonia nuk do të mbahet si tradicionalisht, më 28 shkurt.
Studiot filmike kanë ndërprerë punën ndërsa filmat që janë gati, kanë shtyrë premierat. Për prodhime të reja në këto kohë, as nuk flitet.
Zakonisht filmat që janë në garë për një çmim Oskar, nisin shfaqjet në kinematë mbarë botërore që në muajt e verës, pra 7-8 muaj përpara ndarjes së çmimeve. Në nëntor dhe dhjetor, përcaktohen filmat që do të jenë pjesë e garës. Ndërsa në fund të janarit deri në 28 shkurt, kritikët dhe anëtarët e Akademisë vendosin për prodhimet më të mira të vitit./Burimi: Daily Mail
