Shumë klube të Premier League po hasin në vështirësi serioze për të bindur futbollistët e tyre që të rikthehen në aksion muajin tjetër, me pjesën e mbetur të kalendarit. privatisht në grupet e tyre dhe në biseda informale me agjentët, lojtarët më të njohur kanë shfaqur frikë për shëndetin për shkak të pandemisë.
Kështu kampionati më i fortë i futbollit në botë, pasi vuajti për të bindur kryeministrin Boris Johnson, tani përballet me bojkotin e shumë yjeve. Shumica e lojtarëve në 20 klubet elitare nuk dëshiron të stërvite duke nisur nga e hëna e 18 Majit.
Sergio Aguero, Manuel Lanzini dhe Danny Rose janë mes atyre që kanë dalë kundër publikisht, por në kominukimet e fundit virtuale në “zoom”, dhjetëra të tjerë u revoltuan. Projekti “Restart” cënohet kështu në atë pjesë që konsiderohej më e lehta, te futbollistët.
