Me një spraj të kuq, autoritetet në Kroaci janë duke ngjyrosur në kokë shumë prej refugjatëve që kërkojnë të kalojnë kufirin me Bosnje-Hercegovinën, në atë që njihet si ‘rruga ballkanike’.
Fotot janë publikuar nga ‘The Guardian’ dhe janë duke shkaktuar skandal të madh në të gjithë Evropën.
“Me sa shoh, kjo është rezultat i njërës prej dy arsyeve, ose autoritetet kroate që kryejnë këto akte janë duke përdorur bojën për të identifikuar shkëlësit e përsëritur të kufirit, ose për t’i poshtëruar ata për shkak se shumica e refugjatëve janë me origjinë myslimane”, shprehet Jack Sapoch nga No Name Kitchen (NNK), një OJQ që operon në Velika Kladushë, 2 km larg kufirit, dhe është anëtar i organizatës mbikëqyrëse të Rrjetit të Monitorimit të Dhunës Kufitare.
Organizatat ndërkomhëtare po kërkojnë nga Zagrebi që të nisë menjëherë hetimet për të zbardhur këtë skandal.
