Ekzekutivi i BE, Paolo Gentiloni, ditën e sotme ka propozuar hapjen e kufijve gradualisht në mënyrë që të ringrihet industria turistike e cila është goditur rëndë nga pandemia e koronavirusit. Ai tha se këtë vit mund të kemi një sezon tursitik.
“Mesazhi ynë është që ne do të kemi një sezon turistik këtë verë, dhe nëse kjo bëhet e mundur do të ketë masa sigurie të larta”, tha ai.
Kujtojmë se disa shtete kanë filluar hapjen e kufijve si Austria dhe Gjermania që ishin të parat që hoqën kufizimet.
Ndërkohë kancelari Sebastian Kurz tha se nga e premtja do të ketë kontrolle në vendkalimet kufitare dhe më 15 qershor lëvizja e lirë duhet të rifillojë.
“Ne duam ta bëjmë jetën e përditshme të njerëzve më të lehtë dhe të bëjmë një hap tjetër drejt më shumë normalitetit,” tha Sebastian Kurz raporton BBC.
Udhëtarët në Mbretërinë e Bashkuar tashmë janë paralajmëruar të mos pretendojnë për udhëtime ndërkombëtare pa kryer karantinën. Por udhëtime pa karantinë do të ketë në Francë dhe Irlandë.
