Koronavirusi ka prekur gjerësisht dhe Amerikën Jugore. Në Brazil kanë humbur jetën 880 persona. Presidenti i vendit e ka cilësuar Covid-19 si një grip të lehtë dhe vazhdon t’i nënvlerësojë pasojat e sëmundjes.
Në Brazil kanë humbur jetën mbi 12 mijë persona.
Numri i të infektuarve ka shkuar në 180 mijë, çka e rendit Brazilin ndër të parët në hartën globale.
Ndërsa infeksioni përhapet dhe rajonet e Brazilit mbajnë në fuqi masat kufizuese, presidenti i vendit, Zhair Bolsonaro, vijon ta kritikojë si të tepruar reagimin e autoriteteve, duke lëshuar këtë javë edhe një dekret që i klasifikon palestrat dhe sallonet e bukurisë, shërbime thelbësorë për qytetarët.
Situata me pandeminë nuk paraqitet mirë as për rajonet e tjera të kontinentit, me shtetet kryesisht të prekura si Peruja, Ekuadori, Kili dhe Kolumbia.
