Organizata Botërore e Shëndetit ka thënë ditën e sotme se koronavirusi i ri, Covid-19 mund të bëhet si HIV, endemik, që do të thotë se mund të mos largohet kurrë.
Gjithashtu Mike Ryan ka shtuar se asgjë nuk është e sigurt pasi askush nuk mund të parashikojë se kur mund të zhduket kjo sëmundje.
“Është e rëndësishme të mendohet se ky virus, mund të bëhet thjesht një virus tjetër endemik në komunitetet tona, dhe mund të mos largohet kurrë.
Nuk mendoj se dikush mund të parashikojë se kur do të zhduket kjo sëmundje. Nuk është asgjë e sigurt dhe nuk ka ende datë të saktë.
Kjo sëmundje mund të zgjerohet në problem më të madh, ose edhe jo”, ka thënë Mike Ryan nga OBSH.
Deri më tani ka më shumë se 100 vaksina të mundshme të cilat janë ende në prova klinike, por shkencëtarët kanë paralajmëruar se ka vështirësi në gjetjen e vaksinave që janë efektive kundër koronaviruseve./Burimi: The Guardian/ Përshtati: Fjala.al
