Ministrja e Arsimit, Besa Shahini, ka bërë publike disa nga masat që janë marrë për rikthimin e maturantëve në shkolla ditën e hënë.
Në një postimi në ‘Facebook’, Shahini e vuri theksin te rregullat që duhet të zbatojnë që në hyrje maturantët dhe mësuesit.
“Vijon puna përgatitore në shkolla për masat që sigurojnë distancimin fizik mes nxënësve. Gjatë gjithë këtyre ditëve janë vendosur postera dhe sinjale të tjera orientuese, si dhe është kryer dezinfektimi i shkollave për të qenë gati të mirëpresim maturantët më datë 18 maj”, shkruan Ministrja Shahini.
Rikujtojmë se nga data 18 maj deri në 5 qershor do të kthehen në shkollë vetëm maturantët që kanë provimet e Maturës./Fjala.al/
