Drejtuesit e Premier League janë në një garë kundër kohës për të mbetur brenda planeve të tyre për rinisjen e futbollit, në vendin ku u shpik kjo lojë. Projekti “Restart” në ligën më të pasur të planetit, gjithsesi është në dyshim serioz që prej pezullimit në muajin Mars.
Sugjerimet dhe data për ndeshjet në 12 qershor entuziazmoi tifozët, por kapitenët e ekipeve elitare janë kundër, dhe kjo sjell përplasje me UEFA-n. Kësaj të fundit, drejtuesit e FA-së do ti kërkojnë shtyrje të afateve për kupat kontinentale. Logjistika rreth qendrave stërvitore të paktën në 20 formacionet e Premier league mbetet problem, e kjo shkakton efekt “domino” edhe në protokoll. Champions League dhe ndeshjet e FA Cup, duhet gjithashtu të zënë vend në “çmendurinë” e kalendarit të verës.
Kur duhen 92 ndeshje në total, plani është që në Angli të luhet futboll thuajse çdo ditë me nga 3-4 ndeshje, dhe me orare të ndryshme. kështu tifozët do mund të shohin TV, në mungesë të stadiumeve. Kjo mund të lejojë Premier League të mbarojë në 27 Korrik, gjithmonë nëse nuk do ketë raste me Covid-19…
