Është zbuluar emri i drejtorit të Alpha Bank që vodhi 30 mijë dollarë nga llogaria e një klienti e më pas iku në SHBA.
Mësohet se drejtori që ka kryer vjedhjen është Florant Nako, për të cilin Gjykata ka caktuar masën “arrest me burg”, pasi akuzohet për “Vjedhje e kryer duke shpërdoruar detyrën” .
Ai e ka kryer vjedhjen në muajin janar dhe më pas ka ikur drejt SHBA-ve, ndërsa po hetohet edhe për vjedhje të tjera.
Ndërkohë, mësohet se Nako ka deklaruar se lekët i duheshin për të shlyer dëmet e një aksidenti.
Ai ka shfrytëzuar postin si drejtor i një filiali të një banke të nivelit të dytë dhe ka vjedhur llogarinë rrjedhëse të një klienti. Materialet i kanë kaluar Prokurorisë, për veprime të mëtejshme./Fjala.al/
