Trajneri i akademisë së futbollit “Naim Kryeziu” të KF Vëllaznimit, Ardren Dafota është ndarë nga jeta në moshën 25-vjeçare.
Lajmi i rëndë u bë publik nga faqja zyrtare e KF Vëllaznimit në “Facebook”, ky klubi i ka shprehur ngushëllime familjarëve, duke shtuar se u nda nga jeta një njeri shumë punëtor dhe i urtë.
“Qytetarë të nderuar, sot në mesditë nga një sëmundje e papritur ndërroi jetë trajneri i akademisë Ardren Dafota. Kjo është një humbje shumë e madhe për KF. Vëllaznimin.
Iku nga kjo jetë njeriu puntor e i urtë, Ardren do na mungosh miku ynë i shtrenjtë. Ngushëllime Familjes dhe miqëve. Për ceremonin e varrimit do ju njoftojmë në postimin e radhës,” njofton klubi kosovar./Fjala.al/
