Kryetarja e LSI-së, Monika Kryemadhi, ka shkuar mbrëmjen e sotme te Teatri Kombëtar, ku ndodhen të ngujuar një pjesë e artistëve që janë në mbrojtje të godinës, pas vendimit të Këshillit Bashkiak të Tiranës për shembjen e saj.
Nga foto shihet që Kryemadhi është duke zhvilluar takime me artistët, duke iu shprehur mbështetjen e saj dhe të Lëvizjes Socialiste për Integrim në kauzën për mbrojtjen e Teatrit Kombëtar.
Ajo është shoqëruar nga disa anëtarë të LSI-së, si ish-ministri Edmond Panariti, ish-deputeti Endrit Braimllari, etj.
Rikujtojmë që mbrëmjen e kaluar në mbështetje të artistëve ishte edhe kreu i PD-së, Lulzim Basha dhe mbështetës të kësaj partisë./Fjala.al/
