Heiko Herrlich u kthye në një shembull negativ në futbollin gjerman pasi shkeli rregullat e izolimit për arsye banale, por u përpoq të rivendoste “nderin” duke u vetëpezulluar. Herrlich u bë trajner i Augsburg në 10 Mars: Vetëm tre ditë më vonë Bundesliga u ndalua për shkak të një coronavirusit dhe pandemisë që kërcënon globin. Trajneri i ri nuk ishte në gjendje të bënte debutimin e tij me ekipin e tij të ri në ndeshjen kundër Wolfsburg.
Këtë fundjavë Bundesliga do të fillojë përsëri dhe për Heiko Herrlich, do të kishte qenë një moment domethënës. Një tip që kur ishte lojtar në skuadrën kampione evropiane Borussia Dortmund, gjithashtu ishte shëruar nga një tumor në tru. Sidoqoftë, aventura e tij e re nuk mund të fillojë sepse trajneri e ka pezulluar veten.
“Herr” Herrlich shkeli karantinën për të shkuar në supermarket për të blerë asortimente të zakonshme…pastë dhëmbësh dhe krem. Kështu që ai vendosi të paguajë për butësinë e tij.
“Kam bërë një gabim duke u larguar nga hoteli. Edhe pse kam ndjekur të gjitha masat e higjienës kur largohesha dhe kthehesha, unë nuk isha shembull për ekipin tim dhe publikun. Unë do të paguaj për gabimin tim. Për shkak të kësaj sjelljeje të gabuar, unë nuk do të udhëheq stërvitjen dhe nuk do të jem në stol me ekipin tim kundër Wolfsburg të shtunën” tha Heiko Herrlich.
Sipas rregullave të sigurisë së Ligës, skuadrat duhet të kalojnë karantinë një javë para fillimit të kampionatit. Nuk ka dalje nga hoteli përveç trajnimit, aq më pak kontakte me njerëzit e tjerë.
