Covid-19/Holanda gjen zgjidhjen, ja mënyra e çuditshme si funksionojnë restorantet (video)

Holanda e ka gjetur tashmë mënyrën se si të hapen restorantet dhe të mos rrezikohen jetët e qytetarëve nga koronavirusi.

Në shtëpiza të vogla prej xhami, tashmë në këtë vend mund të ushqehesh pa u rrezikuar. Në çdo tavolinë janë krijuar shtëpiza xhami, ndërsa kamarierët shërbejnë  ushqimin në distancë me ndihmën e disa tabakave prej dërrase.

Ata shfaqen gjatë gjithë kohës të pajisur me dorashka dhe me maskë në fytyrë, për të evituar në çdo mënyrë kontaktin me klientët.

Në titrat e kësaj videoje thuhet kjo zgjidhje është testuar në një restorant në Amsterdam dhe në shtëpizat e krijuara nuk lejohen më shumë se dy persona.

Kamarierët nuk mund të hyjnë brenda në shtëpizës ku ndodhen klientët dhe gjithmonë i shërbejnë pjatat, duke përdorur një tabaka të gjatë./Fjala.al/