“No Time To Die” është zyrtarisht filmi më i shtrenjtë realizuar ndonjëherë me agjentin James Bond. Sipas shifrave zyrtare të publikuara nga vetë kompania filmike B25, saga më e re e Daniel Craig ka kushtuar 200 milionë paund. Kështu, “No Time To Die” ka tejkaluar për nga buxheti prodhimet e mëparshme të filmave të Jamës Bond, Spectre (£182million) dhe Skyfall (£138million).
Ky është prodhimi i pestë i filmit që protagonist kryesor ka aktorin Daniel Craig, I cili më herët ka luajtur edhe në filmat Skyfall, Casino Royale, Quantum Of Solace dhe Spectre. Edhe pse ky nuk ishte buxheti fillestar, xhirimet kanë rritur ndjeshëm shpenzimet, në një total siç raporton e përditshmja britanike “The sun”, prej 199.5 milionë paund. Shuma përllogaritet edhe si 250 herë më e shtrenjtë se James Bond-i i vitit 1962, kur rolin kryesor të agjentit britanik e luante Sean Connery, e që kushtoi vetëm 800 mijë paund.
Filmi, premiera e të cilit do të shfaqej në kinematë mbarëbotërore në muajin mars, u shty për në prill për shkak të pandemisë por tashmë data zyrtare është 12 nëntori në Europë dhe nga 25 nëntori do të shfaqet në kinematë botërore./Fjala.al/
