Janë mësuar disa nga emrat e pjesëtarëve të opozitës që u gjobitën ditën e sotme nga policia, për shkak se qëndruan jashtë orarit të lejuar pranë Teatrit Kombëtar.
Përveç Kryetares së Lëvizjes Socialiste për Integrim, Monika Kryemadhi, policia ka proceduar me masë administrative Luan Rama, Petrit Vasili si dhe Endrit Brahimllari.
Ndërsa nga radhët e Partia Demokratike u gjobitën Edmond Spaho, Klevis Balliu si dhe kreu i FRPD-së, Belind Kelliçi.
“Në zbatim të Aktit Normativ, shërbimet e Policisë kanë proceduar me masat administrative përkatëse, gjobë dhe tërheqje të lejes së drejtimit, shtetasit:
- K., K. B., L. R., E. B., E. S., P. V., B. K., K. Xh., S. L., S. K., R. K., B. Ç., B. T., E. H., E. Sh., B. B., G. Sh., A. F., A. K., A. K., J. Sh., I. G., L. S., A. Q., B. I., F. Xh., D. B., E. M., D. A., A. K., S. B., G. S., G. B., D. T., A. S., L. B., A. D., Sh. M., M., Sh., R. D., R. B., R. Ç., A. H., D. D., B. L., F. Xh. dhe B. I.”, thuhej ne njoftimin e policisë.
Rikujtojmë se pak ditë më parë edhe kryedemokrati, Lulzim Basha u gjobit për shkak se theu masat e vendosura në situatën e pandemisë./Fjala.al/
