Bayern Munich bëri një tjetër hap ashtu siçi pritej për të marrë titullin kampion në Bundesligën gjermane. Formacioni i Hansi Flick fitoi 0-2 në fushën e Union Berlin, një 3 pikësh që e ndihmon t’i afrohet “Meisterschale”, në një kohë pandemie që krijoi situatë surreale në stadium.
Pauza e gjatë që imponoi siguria shëndetësore u duk se do të jepte efekte negative te Bayern me formën fizike që do të çalonte në transfertën ndaj Union berlin. Por bavarezët e zgjidhën ndeshjen si duhet, edhe pse jo lehtë sa tregon rezultati. Neven Subotic penalizoi Union Berlin pasi pengoi një kundërshtar në zonë në minutën e 39 dhe arbitri Bastian Dankert sinjalizoi për penallti. Nga 1 metrat shënoi Robert Lewandowski, por këtë e bëri me një lëvizje mashtruese në ndalesë e sipër. më parë ishte anuluar në minutën e 19 një gol i Thomas Muller nga sistemi VAR.
Në pjesën e dytë Thomas Muller gjeti disa Leon Goretzka ndërsa polaku Lewandowski ngulmoi jo pak, por goli i dytë vonoi. Rrjeta e sigurisë e Bayern erdhi me një kërcim të bukur nga Benjamin Pavard, që u duk sikur fluturoi mbi prapavijën e Union Berlin. Bayern tani me 58 pikë në 26 ndeshje, ndërsa Dortmund i dyti me 54 pikë, por ende me shpresë për titull. Fjala.al
