Me thirrjet “poshtë diktatura” një grup të rinjsh në rrugën “Myslym Shyri” në Tiranë janë ulur në tokë në shenjë proteste kundër vendimit të bashkisë së Tiranës për të shembur godinën e Teatrit Kombëtar.
Një patrullë policie tentoi të shpërndajë të rinjtë, duke i paralajmëruar edhe për ndjekje penale, por kjo ka tensionuar më shumë situatën, e cila është qetësuar me tërheqjen e policisë.
Protestat në Tiranë po vijojnë që prej mëngjesit, kur bashkia vendosi t’i shkojë deri në fund planit për shembjen e Teatrit. Protestat janë përqëndruar kryesisht në qendër të Tiranës dhe zonat brenda unazës së vogël të qytetit.
