Kreu i Grupit Parlamentar të Partisë Socialiste, Taulant Balla ka reaguar për protestat që vijojnë në Tiranë kundër vendimit të bashkisë së Tiranës për shembjen e godinës së Teatrit Kombëtar. Balla thekson se Shqipëria do të ketë shumë shpejt një Teatër të ri Kombëtar dinjitoz.
“Siç thanë aktorët dhe regjisorët: “nuk përballojmë dot më as edhe një kokërr loti krokodili në mexhelis për teatrin tonë! 50 vjet në atë ndërtesë-karantinë dhe të harruar nga politika na dalin e na teprojnë! Ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës”. Shqipëria do të ketë shumë shpejt një Teatër të Ri Kombëtar dinjitoz”, shprehet Balla.
