Në qytetin e Vlorës është gjetur pasditen e sotme një trup i pajetë. Nga të dhënat e para mësohet se trupi është i gjinisë mashkull.
Trupi është gjetur në lagjen 1 Maj në Vlorë. Dyshohet se bëhet fjalë për të riun e denoncuar nga familja pak ditë më parë.
Viktima dyshohet se ka që ne datën 5 maj i vdekur. Dyshohet se ka kaluar në mbidozë. Kufoma është totalisht e dekompozuar.
Njoftimi i plotë i policisë
Rreth orës 17:50, në lagjen “1 Maji”, Vlorë, në një banesë të braktisur është gjetur një kufomë e seksit mashkull, gjysmë i dekompozuar.
Nga këqyrja paraprake në trupin e pajetë nuk janë konstatuar shenja dhune apo dëmtime të tjera.
Nisur nga verifikimet e kryera, Policia ka bërë identifikimin e kufomës që i përket shtetasit M. S., 34 vjeç, banues në Vlorë, i cili është larguar nga banesa në datën 4 Maj 2020.
Grupi hetimor ndodhet në vendngjarje dhe po punon për sqarimin e rrethanave të humbjes së jetës së 34-vjeçarit, ku paraprakisht dyshohet si pasojë e konsumit të lëndëve narkotike.
