Shqetësimi për shembjen e godinës së Teatrit duket se i ka kaluar kufijtë kombëtar.
Analisti Kim Mehmeti ka shfrytëzuar rrjetin social për të dhënë mendimin e tij në lidhje me këtë çështje.
Ky i fundit nënvizon faktin se heshtja e ndërkombëtareve për shembje e teatrit dhe dhunën e ushtruar nga policia nuk është shenjë e mirë ndaj duhen marrë në dorë frenat.
Postimi i plotë
“Nuk e di kush i ka gënjyer vëllezërit tanë në Shqipëri se ambasadorja amerikane dhe kolegët e saj Perëndimorë, kanë ardhur në Tiranë për t’i mbrojtur shqiptarët nga regjimi i ‘qelbësirave të bashkuar’! Jo vëllezër, do hani dajak nga ministri ‘flokëbardhë e faqezi’ aq sa nuk ua merr mëndja, nëse nuk e kuptoni se diplomatët e huaj në Tiranë nuk janë për t’ju mbrojtur juve, por interesat e vendeve të veta! Madje shumë nga ata nuk janë aq naiv sa ta mbyllin ‘kompaninë’ që u garanton të ardhme diplomatike e madje edhe përfitime të majme: grindjet ndër shqiptare! Andaj mos u bëni naiv e qesharak me lutjet që të huajt të bëjnë atë që ju takon vetëm juve: ta pastroni vendin nga ‘qelbësirat’ e ‘Rilindjes’, që e kanë gërditur mbarë shqiptarinë!”,
