Ambasadorja e SHBA, Yuri Kim ka zhvilluar një takim me Ministrin e Turizmit, Blendi Klosi në lidhje me mënyrën e hapjes së turizmit në kohë pandemie.
Kim shprehet se mezi pret që të vizitojë Shqipërinë dhe vendet historike të saj, e cila njihet për mikpritjen më të mirë në botë..
“Diskutimi i mirë sot me Ministrin e Turizmit, Blendi Klosi në lidhje me planet e Shqipërisë, Maqedonisë së Veriut, Malit të Zi dhe Kosovës për rihapjen ndaj turistëve.
Unë mezi pres të udhëtoj nëpër Shqipëri, të vizitojë vendet historike dhe kulturore dhe të takoj njerëz të mrekullueshëm të Shqipërisë. Ju jeni mikpritësit më të mirë në botë”, shkruan Yuri Kim në twitter.
