Prishja e Teatrit Kombëtar do të mbahet mend gjatë. Komente pro dhe kundër lexohen çdo orë.
Nënkryetari i Komisionit Qendror të Zgjedhjeve, Denar Biba ka shkruar në rrjetin social një statusi që të vendosë drejtësi dhe barazi në skenë, e cila në jetë mund të jetë edhe e pamundur.
Biba nënvizon faktin se linçimi që iu është bërë zërave pro prishjes së godinës i krijon ndjesi të këqija.
“Linçimi që iu është bërë të gjithë atyre që ishin për prishjen e godinës dhe ndërtimin e një të reje, më krijon një neveritje të thellë për të gjithë këto qenie banale, çakej të opozitarit që dalin nga errësira ku i ka degdisur vogëlsia e shpirtit dhe mendjes për të vjedhur çdo kauzë qytetarë, çfarëdo qoftë kjo. Këta janë pjesë e problemit, definitivit jo e zgjidhjes,”-shkruhet ndër të tjera.
Postimi i plotë
Teatri, qe ne antikitet, ka shërbyer për te kënaqur masat. Por teatri është art, dhe arti arrin klimaksin e vet kur ngacmon emocionet me te fuqishme, qe janë liria dhe drejtësia shoqërore. Dashuria është nënprodukt i lirisë, ndaj vjen e treta.
Duke qene se liria dhe drejtësia shoqërore kane ketë potencial, dramat qe shtyjnë ne këto drejtime kane qene dhe janë ato me te preferuarat, duke e shndërruar diku me vetëdije e diku jo skenën dhe platenë e teatrit ne një mjedis ku plebenjtë jo vetëm përballen me patricët, por edhe mund te fitojnë, ndryshe nga jeta e vërtete. Prej këtej edhe roli misionar i teatrit dhe aktorit ne betejën për liri e barazi.
Me gjithë sa me lart nder mend, kur shoh e dëgjoj linçimin qe iu është bere gjithë atyre qe ishin për prishjen e asaj godinës dhe ndërtimin e një te reje, ndryshe, po aty, – im atë një prej tyre, ndonëse jo me i spikaturi, e gjitha kjo ne kontekstin lirisë (se fjalës) qe është simbolika kryesore e artit skenik, me krijon një neveritje te thelle për te gjithë këto qenie banale, çakej te opozitarit, qe dalin nga errësira ku i ka degdisur vogëlsia e shpirtit dhe e mendjes për te vjedhur çdo kauze qytetare, çfarëdo qofte kjo. Këta janë pjese e problemit, definitivit jo e zgjidhjes!
Denar Biba është djali i aktori Dervish Biba, i njohur për rolin e prokurorit të Avni Rustemit në filmin “Dy krisma në Paris.
