Pas dy takimeve në harkun e 24 orëve me kryeministrin Edi Rama, ambasadorja amerikane Yuri Kim paraditen e sotme është paraqitur në zyrën e Metës në Presidencë.
Takimi i Presidentit me Ambasadoren u zhvillua vetëm pak minuta pas takimit që ai pati me opozitën e bashkuar.
Mësohet se pjesë e takimit ka qenë edhe ambasadori i Gjermanisë Peter Zingraf.
Më herët Meta priti me kërkesën e tij në Pallatin e Brigadave, kryetarët e partive të Opozitës së Bashkuar.
Kreu i Shtetit shprehu shqetësimin e thellë për ngjarjen e fundit të shembjes së paligjshme të Teatrit Kombëtar dhe e cilësoi atë si provokim për demokracinë, shtetin ligjor, por edhe për Opozitën e Bashkuar dhe natyrisht ndaj vlerave evropiane./b.b/Fjala.al
