Hailey Bieber ka ‘shpërthyer’ në rrjetet sociale, për t’i dhënë një përgjigje të gjitha akuzave në adresë të saj, ditët e fundit, për ndërhyrje të tepruara në fytyrë. Modelja 23-vjeçare ka publikuar një foto të saj të 10 viteve më parë, kur ishte 13 vjeçe dhe një foto tjetër aktuale, ku shfaqet më e rritur dhe me make up të një artisti profesional raporton Daily Mail.
“Mjaft përdorët fotografi në të cilat jam e lyer për ta krahasuar me të vjetrat” -thotë Hailey, e cila insiston se ajo nuk ka kryer absolutisht asnjë ndërhyrje në fytyrë.
“Nuk e kam prekur kurrë fytyrën time, ndaj uluni dhe krahasojini mirë foton kur isha 13 vjeç dhe këtë ku jam 23. Të paktën krahasojini me foto më natyrale”-shton bashkëshortja e Justin Bieber.
Fansat e saj reaguan menjëherë duke mbrojtur bukurinë natyrale të modeles dhe transparencën e saj, edhe në videot që ajo realizon e publikon live në rrjetet sociale. Përkundër kësaj, Hailey postoi edhe foto nga shtëpia e saj në karantinë, ku shfaqet me një veshje sportive dhe pa tualet.
Ditët e fundit në rrjet qarkulluan foto të modeles, ku Hailey duket tërësisht ndryshe, në tiparet e saj në fytyrë. Dhe duket se 23-vjeçarja ka dashur t’i japë fund aludimeve për ndërhyrje kryesisht në hundë e buzë.k.t/Fjala.al/
