Astronautët e NASA-s pritet të nisen në fluturim javën e ardhshme për të testuar zyrtarisht kapsulën SpaceX të krijuar nga Elon Musk, në atë që e quajnë një makinë e vërtetë fluturuese. Astronautët Robert Behnken dhe Douglas Hurley do të nisen në fluturim nga toka javën e ardhshme, nga Stacioni Ndërkombëtar Hapësinor.
Në qoftë se do të rezultojë i suksesshëm, fluturimi historik do të shënojë udhëtimin e parë në histori, që një njeri mund të fluturojë drejt hapësirën përmes një anije të ndërtuar nga një kompani private raporton The Sun.
Sipas ekspertëve, ky mision, në qoftë se do të jetë i suksesshëm, do të çelë një rrugë të re të dominimit të Amerikës në hapësirë, për të shkëputur lidhjen e varësisë që vetë NASA ka pasur deri më sot me Rusinë.
“Mendoj se është një makinë e vërtetë fluturuese. Është më e vogël sepse është një kapsulë. Është një lloj arti i ri i teknologjisë”-shprehet astronauti i parë që do të tentojë të fluturojë me të, Hurley. ai dhe kolegu i tij, Behnken janë trajnuar prej muajsh për të drejtuar këtë makinë fluturuese drejt hapësirës.
Pjesë e kapsulës do të jetë një ekran i ri me prekje, që do të komandojë të gjithë panelin, ndryshe nga kontrolli me dorë që është përdorur deri më sot. Misioni, i quajtur Demo-2, në qoftë se do të rezultojë i suksesshëm, synon që të shtrihet më tej edhe në hënë, mars dhe kudo tjetër larg planetit tokë.
Makina e re hapësinore do të niset nga Qendra Hapësinore Kennedy në Florida, në orën 9.32 të mbrëmjes, më 27 maj. Rëndësia e këtij misioni është e njëjtë me atë të anijes Apollo 11, kur u ul në hënë. Misioni, sipas ekspertëve të NASA-s, mund të shtyhet vetëm nga kushtet atmosferike, që do ta bëjnë të pamundur ngritjen e makinës për herë të parë.k.t/Fjala.al/
